14
04.2015

重温經典菜式@君怡閣中菜廳

飲食烹飪  
標籤: [name] 
一排無食中菜, 早前就去了君怡閣中菜廳食晚飯. 原來佢地已經在尖沙咀25年, 特別精心挑選歷年25道招牌菜, 我地也點了其中一些款式.
 
 
金陵乳豬烤鮮淮山香苗
這是選取一個月大乳豬去骨, 釀入粘米、糯米和淮山, 加上秘製醬料, 明爐明燒至金黃色.
 
 
原隻乳豬, 賣相已經好吸引, 仲香味撲鼻.
 
乳豬皮又脆又香, 加上煙煙韌韌的糯米, 口感十足, 我自己最欣賞當中加入鮮淮山, 這樣可以平衡肥膩感覺.
 
 
 
白胡椒乾油泡海中蝦
我自己唔太食辣椒, 但卻偏愛胡椒味道. 蝦瞉好香胡椒味, 若殼也能食就更好, 相對蝦肉就唔太夠胡椒味, 但肉質好彈牙. 而以茄子墊底, 味道不錯.
 
 
 
招牌有機蘿蔔鮮牛骨清湯
食完兩款較濃味的菜式, 飲番一碗湯清一清味蕾.
 
 
這個湯以文火燉煮牛骨八小時, 清湯完全吸取牛骨的精華, 湯底好清.
 
湯入口好鮮甜, 而蘿蔔吸收晒湯的鮮味, 同樣好味. 
 

 
碳燒美人叉燒
叉燒外皮燒得幾均勻, 肥瘦適中, 肉質嫩滑.
 
 
 
 
紅燒蝦籽扣柚皮
這是我首次食柚皮, 柚皮好厚身, 入口感覺是粉粉地, 幾特別, 但蝦籽味略為不夠.
 
 
 
醬皇燒琵琶鴨
琵琶鴨味道不錯, 肉質也算嫩滑, 相地下, 我自己較夠食乳豬.
 
 
 
翡翠油泡生魚卷
這個賣相好精緻, 好似一把扇.
 
 
生魚經過油泡, 變得硬身一點, 配上蘆筍, 味道幾夾.
 
 
意大利醋汁黑豚肉
估不到這裡會食到一款較為西式煮法的菜式.
 
 
 
豆乳鮮茄雜菜煲
食了多款肉類為主的菜式, 也要食番一些蔬菜.
 
 
這個以新鮮豆漿混入鮮魚湯中, 再加入各款蔬菜. 蔬菜吸收晒豆漿和魚湯的精華, 夠鮮味.
 
 
鮮茄班肉魚湯稻庭
平日多數食稻庭烏冬, 稻庭麵卻是首次食.
 
 
我自己覺得同平日食的麵沒有太大的分別, 反而配上魚湯, 感覺就好夾.
 
 
當然不少得甜品和生果.
 
 
蛋白杏仁茶
好香的杏仁味, 仲幾滑, 味道唔會太甜.
 
 
金箔棗蓉糕


 

這個棗蓉糕由紅棗整成, 本身唔太食紅棗, 但整成這樣感覺易入口, 而且又煙韌, 幾有口感.
 
 
 
這一餐真是好豐富, 也可以一次過品嚐多款招牌菜式
發表於2015.4.14
留言(0)
博客名稱 :
sky
網誌名稱:
sky blog
使用天數:2,394
性別:
按月份瀏覽
    2020
  • 一月
  • 二月
  • 三月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 星座算命
  • 文化政經
  • 其他
自行分類
最新留言