31
10.2015

【最哈佬喂市集】 有鬼屋, 有鬼舞者~陪你逛手作

生活品味  
今時今日, 玩市集真的愈來愈立體化, 除了每個攤檔的質素, 原來環境, 配套都一樣很影響參觀者. 今日走到觀塘一個好開心的哈佬喂市集.
 
 
2008年開始網上賣泡芙的Annas: 「由細到大, 我都好鐘意焗嘢食, 嗰時仲讀緊書, 所以只周末約網友地鐵站交收泡芙, (今日無泡芙嘅?), 因為E度無雪櫃, 所以無整」

 

 
 
 
由一邊讀書一邊賣泡芙, 到畢業後, 到蛋糕店工作吸收經驗, 2年前Annas終於變成全職蛋糕達人, 剛才吸引我停步, 正正就是Annas的燕麥曲奇, 足料, 好味, 又夠咬口. 好食!好食!
 
 

 

 
原來, Annas說最花時間就是製作蛋白餅, 「因為焦糖味要焗三個鐘, 雲尼拿味都要1.5個鐘, 咁期間我就唔可以做任何嘢, 只有個等字...(完全明白, 即係我又upload, upload, 我部腦慢到唔可以做其他嘢一樣囉)
 
 
(點解你造咗咁大粒珍寶珠???) Annas笑笑口:E啲係我改良咗嘅芝士蛋糕, 有檸檬, 朱古力, 綠茶三款味道...(我第一眼真係以為珍寶珠).
 
 
 
Annas續說:「好多人買嚟做散水餅呀!.(係呀!! 真係好喎, 我希望我都可以好快幫襯妳買嚟做散水餅啦)
 
 
Line Minions Annas早前的作品, 「暫時未有再做其他公仔, 雖然InSideOutHit, 但我仍然未接受到紅, , 綠的色素問題, 我都唔想我D客食到成口色素」 
 
 
「郵心出發」, Diana3位同學合力營運的義工組織Diana:「我哋做咗3因為我讀輔導心理學所以大家如果有任何疑難唔開心都可以寫底寄給聖誕老人...由聖誕老人去為你分擔之後再回信畀你...
 
  
(!明白..即你們就充當顏聯武角色, 扮聖誕老人回信, 真係好似做電台咁喎), Diana:「似呀!我好鍾意聽收音機, 將來有機會真係好想去電台Phone-in節目, 幫人解決煩惱」(我以前都想, 不過無人要, 希望你未來會成功)
 
 
(...E家你收咗幾多封寄畀聖誕老人嘅信呀?) Diana:「今年係第三年攪, 我哋10月頭先開始, E家已經超過200封」(!咁米要好多個聖誕老人??)
 
 
Diana:「慢慢回囉, 不過其實回信過程都可以學到好多嘢, 好似學識點樣安慰失戀嘅人, 鼓勵失落嘅人...自己都可以運用課堂學到嘅幫到人」
 
 
(你哋要唔要自己貼經費架?) Diana:「雖然每封信成本$3只係小數目, 但係如果有幾百封, 數目都唔少... 不過, $3可以服務到一個人, 其實我覺得真係好值得, 咁最好當然有人捐助我哋繼續營運, 咁就更加理想」 ~加油Diana!!
 
 

 

 
大半年前Tai去學造皮, 但因為支持環境的Jodi不想以皮作為手作, 於是改為以水松木作為原材料造.
 
 
原來水松木皮質地非常韌, 我最初也不敢大力開合, Jodi:「唔怕架, 你大大力佢都唔會爛, 我係屋企想撕爛佢都撕唔開架」(真係似我D皮咁韌喎)
 
 
電話套是試作版,  Tai:「因為電話套要有一個殼撐住水松木, E個係因為自己個套爛咗, 我哋就用水松嚟加工, 變成自用版本先, 希望好快會搵到中間個殼, 先可以成事」
 
 
由造紙樣到一個銀包登場, Jodi大約只需時1天時間便完成,  Tai:「因為佢之前用咗3日做咗個長銀包, 所以有經驗, E個就快好多...(好快手喎), 其實算慢, 我自己個皮腰包都係做一日呀!!(我之前做個袋, 做咗7...)
 
 
(嘩你哋都設計咗好多花紋喎),  Tai:「無呀! 全部都係原裝花紋, 未有加工, D先啦, 因為仲搵緊合適顏料, 創造一下先的花紋, 咁就無咁單調」
 
 
其實, 今次Halloween Town的宣傳算少, 若果我不是早前在其他市集認識了Angel, 她邀請我來, 我也不知道...
 
 
場地正正就在「東廣場」樓上, 地方不算大, 但由一班年輕人佈置得非常有哈佬喂氣氛, 萬聖節正日, 更免費為所有檔主化一個鬼妝添...(如果免費幫埋參觀者就更開心啦)
 
剛才...突然還有三位鬼舞者進場大跳勁舞, 調暗一點場燈, 感覺會更Hit!!
 
 
市集另一邊還設有一個鬼屋...Angel:「阿仁, 入去玩吓啦..., 我答:「我影一影相就得...(心諗:我好驚!!)(因為老仁家, 心血少囉)
 
 
現時市集愈來愈多, 估不到愈來愈有主題, 年輕人第一次攪市集, 當然還有不少進步空間, 但今次的哈佬喂市集...都算很鬼馬!! 
The Hidden Attic


活動詳情:

地址: 觀塘成業街7號寧晉中心15D - 地鐵站B2出口步行3分鐘
日期: 10月30日及31日(共兩日)
時間: 31/10: 中午12時至晚上10時

大仁生活facebook













發表於2015.10.31
留言(0)
博客名稱 :
大仁生活
網誌名稱:
大仁生活
使用天數:2,418
性別:
按月份瀏覽
    2020
  • 一月
  • 二月
  • 三月
  • 四月
  • 五月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
自行分類
最新留言