18
05.2015

【長洲遇高手】倒樹蔥爬包山 @ 攀爬嘉年華2015

生活品味  
一直期待的長洲「包山嘉年華」終於又來了, 不過, 天氣不佳...由昨日開始, 已經非常擔心...會不會空歡喜一場...白去長洲, 無得爬??
 
 
正所謂:「好嘅唔靈, 醜嘅靈」, 我們14:30一落船, 已經發現長洲居民, 不停收衫, 並大叫:「嚟啦!!個黑雲嚟啦!」我還來不及反應....巨雨落足20分鐘.
 
 
雨停後, 我們全身濕透, 走到嘉年華場內, 往年已經有長長人龍爬包山, 一個排隊的人也沒有, 而內裡的工作人員也忙住清理濕地...
 
 
我走到包山旁邊問工作人員...他答:「暫時未知, 要等多一小時, 遲啲大會先公報」(吓!!真係會白嚟??)
 
 
望住空空如也的包山架...覺得如果嘉年華如同去年一樣, 母親節的同日舉行就好啦!! (憎鬼死放假先嚟落雨)
 
 
慢慢發現有專家在試爬, 而且門口有5-6人在排隊...Yeah!!原來雖然有毛毛雨, 大會也未至於決絶到除消活動...這刻我真的興奮大叫"哈利路也...哈利路也"
 
 
循例教練要預先講解規則, 因為我用「超人卡」利誘SY來玩, 所以小朋友一邊聽講解一邊說:「爸爸...我個心卜卜跳, 好驚呀!!」(唔駛驚...你上年都敢企上包上架, 今年你爬到一步都進步100%㗎喇)
 
 
今年遇上全黃色運動衣的譚叔叔, 他叫我幫他拍照...:「你陣間幫我拍包頂喎...我會做特別動作...(吓?你諗住做咩呀?)...一陣你米知囉...」(唔通叔叔想企上個架頂??)
 
 
譚叔叔說, 李小龍是他的偶像所以今日扮成這模樣來玩, 今年是他第二次爬包山, 結果他走上包頂, 便立刻來了一個「倒樹蔥」. (嘩!! 我反而擔心佢安全)
 
 
之後叔叔本來想再進行另一「特別」動作, 但被地面的教練勸止, 並強行拉了他落地...
 
 
原來叔叔40年前開始, 已熱愛搶包山活動, 去年更成為最年長的搶包山參賽者. (勁呀!!) 不過複賽要九秒內完成賽事, 叔叔心知無望於是棄權.
 
 
原來去年嘉年華, 他真想過走上架頂, 但朋友說會構成法律問題, 於是他打消念頭. 於是改為與今年相同的倒樹蔥動作. ( 可能教練認得出叔叔, 輕聲說:「下次唔好攪啲咁危險嘅嘢啦」)
 
 
我希望叔叔可以挑戰9秒內的入圍規定, 多於再做一些危險動作...安全最重要呀!!...幫完叔叔影相, 之後就到阿囝和我穿上安全帶, 準備去玩的難得機會...
 
 
當然爬之前要來一個合照吧.
 
 
之後工作人員見小朋友上架, 便大大聲向SY打氣鼓勵, 並把他托上包山架, 去年我見他的身體驚到顫抖, 今年大一歲, 果然氣定神閒了不少, 沒叫沒喊, 進步得多.
 
 
去年他一步也沒有攀過, 今年小朋友雙腳也可向上攀了各一步, 之後才叫:「我好驚~我好驚」, 我也不勉強他, 叫他:「你放手啦, 哥哥姐姐會拉返你落去架啦~」
 
 
雖然他只是爬了一步, 但不知甚麼原來, 我忽然覺得阿囝好像大個了不少, 起碼肯嘗試第一步, 所以之我一人爬, 也愈爬愈開心.
 
 
原來...爬到中途, 曾經有人舉機在我旁邊拍攝我嗎?? 若不是睇到這張相, 我真的沒有發現...還是我當時想得太入神嗎?
 
 
我發現剛才叔叔可以被工作人員拉下, 我估計工作人員是完全可以控制到參加者, 所以我嘗試只靠雙手支撐, 就坐了在無影凳的安全帶上. 哈! 原來真的可以坐在上面的.
 
 
因為下過雨的原故, 鐵架較往年滑, 我的雙腳根本停留不到在竹與竹之間,  其實, 我知道地面的工作人員一定拉得我非常辛苦.
 
 
加上剛才在碼頭吃了一個芒果糯米糍, 胃裡發出隱隱作痛....於是今年是第一次, 還欠一個身位, 便放棄繼續向上. (長洲芒果糯米糍真的不能亂食...詳情請留意後日網誌...)
 
 
隨時放開雙手, 工作人員就會知道我們想下來. 超享受被拉下來的感覺, 有點似騰雲駕霧, 其實我想下次雙手不再握住安全繩, 應該會更加好玩.
 
 
雖然, 今年我是成績最差的一年, 但阿囝有進步, 已經可以彌補一切, 下年阿太也答應了試玩...她說:「吓!! 我諗我會驚到嘔」(仲正啦...我都未見過人爬包山嘔, 咁出年一於一家三口爬爬爬啦!!)
 
 
PS: 太平清醮派包的三個包架, 本來我們到場時還空空如也, 但不出個半小時, 便三架豎立得齊齊整整, 長洲師傅們的工作速度, 非同凡響!!


 
 
發表於2015.5.18
留言(0)
博客名稱 :
大仁生活
網誌名稱:
大仁生活
使用天數:2,418
性別:
按月份瀏覽
    2020
  • 一月
  • 二月
  • 三月
  • 四月
  • 五月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
自行分類
最新留言