03
07.2013

手足口病毒


見到個topic 係咪好驚呢...

係呀.. 呢期呢個病太hit 啦...

我家大中小既成員都中晒毒...

所以 ... 想同大家分享下呢個病既處理方法!!!




--------------------------------------

何為手足口病呀??

手足口病是一種常見於兒童的疾病,通常由腸病毒如柯薩奇病毒和腸病毒71型引起。腸病毒71型引致的手足口病備受關注,是因為它較有可能會引致嚴重後果(如病毒性腦膜炎、腦炎、類小兒痲痺癱瘓),甚至死亡。手足口病的高峰期一般由初夏至秋季,亦會於冬季出現小高峰。

病徵

大部份患者都會在1星期內自行痊癒。病發初期,通常會出現發燒,食慾不振,疲倦和喉嚨痛。一至兩天後,口腔出現疼痛的潰瘍。另外,手掌及腳掌亦會出現紅疹。這些紅疹並不痕癢,有時會帶有小水泡。患者在病發首星期最具傳染性,而病毒可在其糞便中存活數星期。

傳播途徑

主要透過接觸患者的鼻或喉嚨分泌物、唾液、穿破的水泡和糞便或觸摸受染污的物件而傳播。


潛伏期

約3-7天。

治理方法

  • 現時並沒有特效藥物治療手足口病。患者應多喝水和有充足休息,同時亦可採用症狀療法,以紓緩發燒和口腔潰瘍引致的痛楚。
  • 為免把病毒傳染給別人,患病的兒童應該避免上學或參加集體活動,直至所有水泡變乾。如感染是由腸病毒71型引致,患者更應在水泡變乾後,留家休息多兩星期。
  • 父母要細心觀察兒童的病情。如出現持續高燒、神情呆滯或病情惡化等情況,患者應及早求診。

預防方法

  • 經常洗手以保持雙手清潔,尤其是如厠或換尿片後
  • 打噴嚏或咳嗽時要掩著口和鼻
  • 用稀釋家用漂白水(1份含5.25%次氯酸鈉的家用漂白水加49份清水),清潔被分泌物或排泄物染污的玩具、物件或環境
  • 避免與患者有親密接觸,如接吻、擁抱、共用餐具或杯子


------------------------------------------------------



我地屋企既原頭係from 彤彤...

彤彤係在學校野到返屋企架...

原來彤彤隔離位既同學仔係手足口病既原頭....

同學仔於6月29日確疹係手足口...

之後彤彤就6月30日下午突然嘔, 之後發高燒....

食左藥瞓左3個小時都不退,




因為係星期日既關係, 我地決定同彤彤去醫院....

到達醫院要等好耐...


真係估唔到咁多人病...  (有一半人重係小朋友架!!!)

睇完醫生, 食左藥瞓左, 半夜睇過佢都退左燒啦...

到左7月1 日, 彤彤一覺起到已經冇晒燒啦.... 而且好精神呀!!!

大家以為冇事啦..

但... 但... 當佢食早餐果陣佢話比我地知佢口腔痛呀!!!

聽到咁我同彤爸心想不妙....

立即睇下佢口腔...

oh... 大件事啦... 真係好多細點呀...

初期...

後期...

唔洗睇醫生我都可以話比你知佢中左手足口呀!!!

其實彤彤中既%都幾高架..

(因為佢同學仔中, 同埋佢又好愛食手指)

不過, 醫生我地都要睇架... 因為要拎番張醫生報交比學校呀!!!

醫生睇左, 好彩d細點只係係口腔既上額....

喉嚨冇飛滋 ...

彤既同學仔生到成個喉嚨到係食野, 飲水都唔可以...

醫生話都冇藥可以開比彤彤,

只係有d 肚痛藥 (因彤彤話有小小肚痛)

就係咁啦...

彤彤雖然係話中左手足口.. 但係都仍然係好活躍... 好精神...

第二日彤彤既手同腳都有出一d紅點 ...

不過.. 都係好好彩, 出既紅點都唔多, 同埋冇水泡, 都唔痛...




所以呢個病假其間彤彤都係如常係屋企玩...

媽媽因為怕妹妹都受感染,  所以都將彤彤同妹妹隔離

妹妹白天就係婆婆家, 而晚上就搬左去我地房瞓 ...

屋企亦日日進行deep cleaning同埋消毒!!!

到左7月5,6日彤彤口既同埋手腳既都謝晒啦...

我地7月8日同佢睇醫生, 醫生都比佢返學啦!!!

彤彤雖然好晒...

不過可能媽媽要照顧佢太辛苦亦病到了...

好似傷風感冒咁... 重有發燒呀!!!

但最可怕既係手腳都出左d粒粒...

好驚好驚...

立即去睇中醫..

好彩醫生話唔係手足口, 只係一d好普通既疹...

媽媽立即鬆一口氣...

好啦.. 完左媽媽之後, 妹妹星期六晚又有多小小燒...

大件事啦..

食左藥既妹妹好快退燒...

仍係開心b一名.. 媽媽都安慰d..

但... 星期日起身見到妹妹手腳又有紅點...

立即同妹妹去醫生樹...

妹妹d 紅點係冇泡泡架...
 
好like 妹妹呢個醫生... 好詳細...

佢解釋.. 我地中既全都係手足口...

不過我地既係變左種既手足口, 而我地d菌唔係好勁, 所以我地都好快妹番...

彤爸之後又mention佢都有肚柯左幾次..

醫生話佢都係中左...

因為手足口係一d腸病毒黎架...

所以我地一定要注意衛生 ...

問醫生, 我地中左出年會否再中..

佢話會架...  所以大家一定要保持身體健康咁d病菌就冇咁易入到我地身體啦!!!



真係好好彩, 今次我地一家中既病毒都唔係好勁...

經過左呢一次... 我地真係要保持清潔....

真係要洗手洗手....

同埋要有健康既體柏先可以身體健康!!!





如果大家想要多d detail, 可以去緹下like ....

http://www.chp.gov.hk/tc/content/9/24/23.html
發表於2013.7.03
留言(0)
博客名稱 :
CCML
網誌名稱:
M + L + 3C = PERFECT FAMILY
使用天數:2,429
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 其他
  • 財經生活
自行分類
最新留言