30
07.2019

上海姥姥。滬川渝三地。三辣齊發

飲食烹飪(中菜)  

本身我十分愛吃辣,吃辣的廿多年經驗,早已無辣不歡!嗜辣者總是有種心癮,要是餐牌上有辣的我就會點。


早前夏天濕、熱、悶,有一晚沒有心機煮飯,去了家附近的上海姥姥吃飯。



上海姥姥有新野!原來係搜羅上海、重慶 及四川三地的精華辣味菜式,從「滬」甜辣,走到「渝」香辣及進入麻辣 重鎮「川」,愛吃辣味的人就明看到相已流口水的感覺,我都叫了來試。

先來個開胃小食:雞絲粉皮,粉皮就沒什麼特別算滑嘟嘟,醬汁都係那種味,鍾意的會覺得幾好食,雞夠滑唔老,一家四口一人一些好快食光。



每次去上海姥姥都會叫小籠包,皮都夠薄,肉質唔太漏,算不過不失,水準之內。

主菜出場:四川代表,麻辣無骨雞雙式拌麵配擔擔湯,首先HK$59 一麵二食已經無投訴,麵條係幼身但幾彈牙,無骨的雞肉食落每一口都係肉,伴入的四川麻辣辣汁先係精華所在,痛快辣感反復刺激味覺,也可混合上海特色沾麵食法,麵條外層掛上特濃香滑的擔擔湯,竟然有另一種辣感層次。



我對仔女不吃辣看到我大讚也吃了幾口!

以香辣為主調的是重慶風味:火紅歌樂山辣子雞 (HK$78),「辣子雞」屬重慶飯的經典名菜,當中又以歌 樂山的辣子雞最為出名,以香辣見稱的辣子雞一看就知十心惹味,我想是因爲香港人口味而稍稍調較了辣度,火侯十足,雞肉炸至外脆內嫩但又不至於超辣不能入口,我覺得是剛剛好!辣椒乾、新鮮天椒、小茴香、花椒等等惹味香辣配料令道菜達到香、辣、脆!

上海代表是第三辣:家鄉八寶辣醬 ($78),個人口味問題,甜辣我一向一般,呢道菜我本來唔想點,但又覺得三地辣菜,這晚無理唔試,加上都要為孖寶點些吃得的就點了!八寶是包括:雞肉、雞腎、五花腩、豆腐乾、冬菇、毛豆、蝦仁、竹筍,再加入帶清甜的青紅椒,甜辣比例平衡,所以辣度只係輕量級別,孖寶都食到。

 


又由濕醬類,所以要即時追加個炒飯來送吃,我自己就覺普通,但孖寶說好吃。

大家都知甜能解辣,我就點了豆漿給孖寶,點知他們竟說係最好飲既豆漿,我一試,係一杯唔太甜有豆味既豆漿囉,但都係唔錯既!

上海姥姥因為價格對比其他算很是實惠,又近我家所以都幾常吃到,如果你都係嗜辣者就趁餐牌未轉前就去試下喇!

 

 

 

 

 

 

 

 

發表於2019.7.30
留言(0)
博客名稱 :
龍鳳媽媽
網誌名稱:
龍鳳媽媽的美容親子小天地
使用天數:2,203
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 文化政經
  • 其他
自行分類
最新留言