12
07.2018

♥R&W♥ 婚享 #12:自己花球自己整 ✿ 600蚊內KO我的The One歐式散形絲花花球

生活品味(本地)  
標籤: 花球  wedding 

花球可以話係新娘的必備的影相Props,無論妳著裙褂或者係婚紗,由早到晚都會帶著它,所以花球出鏡率超高,所以去選裙褂婚紗外,花球就是我第二項心急要完成的項目!

 

 

花球可以揀鮮花或者係絲花,我可算是一個愛花之人,但係成日覺得鮮花只可以靚幾日,眼看它隨著時間凋謝,心裡總是覺得不捨同可惜,我應承我是很害怕鮮花凋謝的一剎,所以我拍拖多年,都好少叫男友送花俾我,有冇人同我一樣諗法?

 

在鮮花/絲花當中選擇我的The One花球,我其實都爭扎左一陣!

鮮花影相真係會靚好多,但係做左一輪功課之後都發現,訂造一個鮮花花球平均都要4位數字一個,而且只用一天,係唔係有D唔乎合經濟原則呢?

 

而且鮮花仲要當日搵人專程照顧佢,以防佢由早用到晚會開始有點殘,晚上就用不了!

 

早幾個月同一班準新娘子傾計,當中有位B2B就放毒,SendD絲花花球相黎,了解之後原來小店可以訂製絲花花球外,仲有自由約班上去自己整花球Workshop

 

我立即心心眼♥V♥呀!因為我一直都好想搵呢類型0Workshop,想試下自己親身整作花球,但係之後搵過幾間價錢都比較偏貴,所以放棄左!我又有諗過自己買材料工具製,但係真係完全無概念,唔知點落手好,所以又一直拖下先!

 

之後本住一問無妨的精神,問下果間店主幾錢同詳情,店主好快就回覆,價錢仲要係我搵左咁多間黎講算平,仲有我咁岩Meet到佢個Early bird promotion優惠,指定日子前確認入數即減HK$100,抵到爛呀!

(宜家個優惠好似冇左,但我覺得價錢依然比坊間好多間都要合理)

 

我仲搵左一位好喜歡手作,而且是早我一個月大日子的朋友一齊去上堂啦!

 

 

呢個就係完成品啦!好有質感的靚靚歐式散形絲花花球 (大小約9) 當然大家可以按喜好去再整大D,但就價錢就要加多D啦!

前言講得太多,不如立即去相睇下點整啦!

 

小店是小本經營,無方便的鋪位,地點就在葵興的工廈內一間細小的樓上鋪~

MTR行過去都唔算太遠,約10-15分鐘左右,我覺得可接受!

 

 

一去到店主已經根據我地之前的要求準備好花材,由於店內地方不算大,所以我地2個入到去都已經唔係有太多位走動~

我亦都有問過可唔可以帶男朋友上黎一齊整,帶多位就要加HK$100收費了,所以我就放棄左,叫朋友一齊整都好開心呀!

 

 

開始製作花球啦~

第一個步驟:準備花材

 

就係要先用綠色的鐵線駁長所以花材,不論花/葉類都需要全部駁長~

而店主就推薦用啡色的皺紋膠紙會比較自然唔顯眼,而看到凌亂的枱上也有準備到平頭鉗、剪刀及剪鉗!

 

 

 

 

 

其實都無咩難度,主要都係將鐵線同花材駁長而不易掉落就可以!

TIPS: 一隻手要定著黏貼的位置,不要鬆手,另一邊就轉動皺紋膠紙,包至實實就可以了!

 

這個過程比較費時一時,大家要堅持!

 

 

第二個步驟:花材分類

 

將所有花材駁長後,就要將花材的類別去分類,方便去拼砌出屬於妳的花球!

 

第三個步驟:製作開始

 

老師開始講解如何拼砌啦~首先可以先選一個主花在中間的位置,然後就可以開始將花材左右前後拼在一起,因為唔想花球色調太歸一單調在選色時可以將同色的花材以其他色的隔開!

 

同埋今次主要係整歐式散形花球,散形花球著重的就是空間感及一點凌亂美的形態,唔需要太執著位置是同統一,用色是否配襯(其實老師都已經一早準備花材時已經幫妳襯好色了)

 

 

而一片的綠葉就可以用作托底,增加成個花球的形態!

 

 

第四個步驟:調整

 

其實我地好多少無咩經驗的,就會好易將手中的花拼砌完圓形,就好似我手上咁,毛啦啦變圓左,但係唔好忘記我今次係整散形呀~

 

老師提點可以在拼砌的期間,可以多望鏡子,因為咁可以見到花球見人的一面係點,因為人家望你都要花球放左腰位至肚的位置,輕微斜斜的位置,唔會有人睇下後面係點,所以咁樣先可以作出最適當的調整!

 

老師都不斷從旁提點及幫我修改位置,務求妳的作品達到理想的效果!

 

經過老師的調整,係唔係同岩岩個波好唔同呢,花材一樣但擺位唔一樣,個感覺都好唔同呀!

 

第五個步驟:最後定位

 

當所有花材已經確定好位置,就可以單手緊握下半Part,然後用透明膠紙作定位,忘了說在拼砌的過程都可以適當用上透明膠紙作定位!

 

然後就然參次不齊的尾部用剪鉗修整到同一高度位置~接著老師的幫我地個花球在底部加上不同粗到的鐵線,可以令花球站起來,方便擺放!

 

第五個步驟:收尾

 

 

 

最後用上麻繩縛上剛才的透明膠紙位置,將麻繩盡量緊貼會比較美觀~

 

 

 

再加上Lace絲帶,再將尾位斜剪,成個感覺都提升了!

 

完成啦!過程都係用左2小時間左右就搞掂啦!

 

 

而呢個Workshop仲會包埋製作新朗襟花架~其實製作方法跟花球大同小異,但就相對簡單好多了!

 

 

 

 

揀一主花,之後再配上不同的葉類,數量不同多的!

 

唔洗半個鐘就完成啦~呢個襟花係同新娘花球配襯架!

 

我同朋友的花球同襟花,我地都係整散形,不過色調感覺就好唔同,可以去迎合返大家的婚禮主題!

 

老師仲幫我地入到靚靚咁帶個花球返屋企啦!

 

 

值得一提就是老師的老公在我們製作花球時,都為我地拍下製作過程相片,仲要回返D靚相俾我地(唔需要另外收費架)雖然只是業餘興趣玩影相,但係相片都十分高質!對嗎? 

以上見到我個樣的相片都是出自老師的老公架!

 

 

就係咁~呢個自製的花球就要係屋企陪我直到當日出嫁啦!

(不過以妨鋪塵,我都自己用左D保鮮袋輕輕封印左佢,如果大家想知點封印可以私下PM我,其實都係好簡單架咋

 

 

呢個會是的著婚紗時用的花球,至於裙褂都考慮緊要唔要買/整多一個(掩面)哈哈!

 

戴返個頭盔先!
P.S. 以上Workshop都是全自費參加,無宣傳成份,只係開心Share,所以想知邊間就PM我啦!

 

以上都是我的用心分享,大家喜歡的就留個腳印支持下~你們的支持就是我婚享的原動力!多多指教!

 

 

**********************************

歡迎聯絡合作

Wing Ho

Instagram: FINGYANWING.MAKEUP

**********************************

發表於2018.7.12
留言(0)
博客名稱 :
FingyanWing
網誌名稱:
Fingyan Wing MakeUp - Blog
使用天數:1,250
性別:
年齡:2
電郵:fingyan.wing@gmail.com
按月份瀏覽
    2018
  • 一月
  • 二月
  • 三月
  • 四月
  • 五月
  • 六月
  • 七月
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 生活品味
  • 藝文創作
  • 攝影寫真
  • 戀愛心情
自行分類
最新留言