03
11.2018

【幻彩互動】驕傲的彩虹魚@夢飛行合家歡劇團

親子育兒(學習)  

同小朋友每晚story time,一齊分享故事中嘅樂趣,相信每位媽媽都試過。不如搞搞新意思,試下唔同玩法啦!今次我哋一齊走進故事世界,同故事中嘅人物一齊經歷故事嘅每一個情節,仲要幫手解決難題添呀!事不宜遲!馬上展開我哋嘅故事體驗之旅囉!Gogogo~~


到達場地,佈置得好靚!我哋就好似置身於大海裡一樣,晴朗對呢個海底世界都感到十分好奇呀!


周圍探索,每發現到新鮮事物就會即時分享~^^


咦!睇真啲!原來用嚟做佈景嘅物料,係利用廢物循環再用,真係估唔到可以用呢啲材料變出咁靚嘅海洋世界呀!


大大細細唔同嘅樽蓋~


唔同嘅膠樽、紙杯、廁紙筒~


如果唔行近睇都唔知道啲珊瑚都係用膠樽堆砌而成㗎!


加埋燈光效果,真係好似游咗落深海一樣~


膠樽、樽蓋、發泡膠,廢物利用嘅物料數之不盡~


呢邊嘅海母世界都整得好靚、好有氣氛呀!


晴朗呢度摸摸、果度掂掂,你一言我一語,故事未開始已經情緒高漲喇!XD


朗朗仲突然抱起晴晴嘗試觸摸吊掛響天花板嘅水泡裝飾添!認真精力無界限...


珊瑚洞就變成咗佢哋追追逐逐嘅地方,簡直係未開始先興奮呀!


開始喇!開始喇!「大海草村學校」上課時間到!海馬校長出嚟教所有海洋小魚點樣對付鯊魚呀!


朗朗伏低扮石頭~ XD


晴晴呢塊石頭咁扁一定過到關啦!XDD


如果真係有鯊魚嚟嘅時候應該點反應呀?吼!嚇番佢轉頭?呢個方法work唔work㗎?@.@'''


泡泡魚同小藍魚活潑生動,大人同小朋友都睇得好投入呀!


嘩!鯊魚出場喇!仲想襲擊靚靚嘅彩虹魚添!今次弊加火喇!


突然間,全場嘅海洋生物都變晒飄浮不定嘅海草嚟作掩護,鯊魚冇咁易搵到佢哋嘅!


晴晴呢棵小海草都扮得活形活現,大家好齊心呀!


睇下鯊魚嘅眼神幾咁凶狠!@.@仲同八爪魚一齊夾梗計仔點對付泡泡魚、彩虹魚同小藍魚佢哋添呀!


晴朗爸爸同朗朗都樂在其中,故事氣氛好好~


最後,驕傲嘅彩虹魚終於得到教訓,可以同大家成為好朋友。演員載歌載舞,大團圓結局!掌聲鼓勵!!!!!!!!


散場?咪走住!故事雖已完結,但我哋帶咗用完洗乾淨嘅膠樽嚟做小手工呀!晴朗就排梗隊去彩虹魚度攞豆豆喇!


再過泡泡魚度攞眼睛先~


呢個時候,大家可以動動手創作出獨一無二嘅海洋生物,泡泡魚就整咗隻小小八爪魚喇!個樣好傻呀!


晴晴就整梗一條小魚~


唔只魚咁簡單!仲可以用嚟做沙鎚添!小朋友運用呢個樂器跟住音樂節奏拍打,好動聽呀!

最後,小朋友仲可以去投票畀自己最喜愛嘅角色添!


晴朗都一致投咗海馬校長一票,覺得佢嘅服裝好有型喎!平時又唔見咁合拍嘅?哈哈!


得到海馬校長嘅簽名印響學生證上面,好威威呀!^o^


晴朗媽媽就鍾意泡泡魚喇!佢成個菠蘿咁,好可愛,不過要小心畀佢啲釘釘吉親喎!XD


心地善良又有愛心嘅小南魚都好得意㗎!亦都係帶動成個故事進入高潮嘅人物~


最後,當然要同主角-彩虹魚影相啦!七彩繽紛嘅彩虹魚真係好靚呀!

「故事之旅」係夢飛行合家歡劇團最新製作同嘗試,睇佢哋啲話劇就睇得多喇!今次同話劇感覺好唔同。平時同故事人物同佈景距離好遠,今次就坐響佈景隔離咁睇,而且演員會響你身邊遊走,好有融入感!場地變身成為360度舞台,好立體!比起夢飛行平時已具互動性嘅話劇更覺互動!


估唔到一個小小嘅場地可以變身成為咁靚嘅場景,近距離欣賞整得十分細緻嘅佈景,完全搵唔到瑕疵。而且佈景大部分以環保物料製成,亦都可以帶畀小朋友環保循環再用嘅概念呀!


故事當中嘅演員出色,燈光同音響效果配合得好好,睇住班演員載歌載舞,我哋都好享受故事嘅每一個情節。大人都忍唔住笑咗出嚟呀!故事教導小朋友要謙虛、同人合作同建立信心,好有教育意義!完咗之後仲可以一齊參加「彩虹魚工作坊」,創作出獨一無二嘅小樂器,好睇又好玩!認真係一個從未體驗過、從未玩過嘅難得經驗呀!


故事之旅《驕傲的彩虹魚》

地點:觀塘成業街 (距離觀塘地鐵站5分鐘路程) 的「海底世界」
facebook:https://www.facebook.com/thetheatrewonderland
報名熱線/Whatsapp:51119389


FIND US on:
  "  "   

BLOGs:

 

CONTACT US:

發表於2018.11.03
留言(0)
博客名稱 :
晴朗媽媽
網誌名稱:
晴朗天 - 食·玩·育·美·愛の親子平台
使用天數:914
年齡:2
電郵:chinglongtin@gmail.com
按月份瀏覽
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 生活品味
  • 電影戲劇
  • 攝影寫真
  • 其他
  • 財經生活