06
11.2017

一個能令您要想起愛惜自己身心的一個好地方@Rest Cafe

生活品味(運動)  

香港人,其實真係幾慘ga

先不談政治,而家的香港人,由小開始,已有不少壓力埋身,唔好講去到成年人啦!雖然小妹還未成為別人的父母,但自身亦有不少壓力!仲要出嚟社會工作咗咁多年,仲要積埋積埋唔少勞損,攪到周身痛!

個個都咁大壓力,咁點算?可以係邊度發洩呢?其實有冇諗過,壓力,係唔需要發洩,可以用令一種方法:令自己放鬆,其實也是減壓的一種呢?

 

小妹琴日受PR邀請,去咗一個好神奇嘅event,而呢個event亦都係一個好得意嘅地方 ~ "Rest Cafe"度舉行,佢嘅位置,正正在煩忙的尖沙咀的中心,但唔知點解,一上到去,就已經有一種莫名奇妙的寧靜同舒適感!想知小妹琴日event領略到d咩?睇落去啦…

 


 

我初初上到去時,仲以為係一間普通gym room,因為見佢d器材,真係好似一間gym room,但後來經介紹人同我哋介紹過後,原來Rest Cafe係一間有主題的Training room先啱!專治一d有肌肉勞損及身體痛症的人的,可以透過一系列專用器材(包括:Alter Go無重跑步機、KEISER氣動健身器材、NOHrD水阻保健器材、Power Plate震動訓練機等業內高水準品牌)及運動,加強及防禦身體勞損,唔講唔知,原來Alter Go無重跑步機,除咗高級私家醫院有呢部機外,Rest Cafe係第一間擁有呢部機嘅Training room呢!

 

同埋原來呢度,最多同時只會三至四人使用,可以確保每位使用者可專注及享用專屬嘅訓練,令大家更enjoy!

 


 

Rest Cafe除咗有以上介紹過的training訓練外,還有可以令人洗滌心靈嘅聲⾳治療(Sound & Vibrational Therapy),大家知什麼是"聲⾳治療"嗎?其實小妹都唔知!

 

原來"聲⾳治療"是⼀種無任何副用的自然療法。透過敲打樂器產生獨特的振頻接近人體,藉著頻率去調整人體不和諧的振頻,有效加強免疫系統功能,達到療癒效果。當人的身體振頻不對時,會在生理(身體)及心理(情緒)兩個層面發出不舒服的信息。聲音治療就像⼀個調頻器,由細胞開始調整人體失衡部位的振動頻率,從而調整身體及情緒兩方面的狀況。


而治療師會結合療癒之聲—銅鑼(Gongs)和頌缽(Singing Bowls),舞動與靜觀(Mindfulness),重新認識聲音和音頻,發掘真我聲音(Signature Note)。

 

 

而揾到一把真我聲音(Sigature Note)可以減少聲帶的損耗和能量的消耗,可以讓說話者和聽話者覺得舒服,可以讓接收這聲音的人感受到真誠。

 

琴日我們都即席試了一課"聲⾳治療"課堂,個感覺真係好得意,前所未有咁寧靜,尤其係每當治療每次敲擊銅鑼和頌缽之際,心就更顯平靜了!同埋其實剩聽治療師Kamm把聲,我已經比平時放鬆了好多好多,因為佢把聲,真係太動聽了!

 

而有一部份,治療教我們可用慢步嚟放鬆心情,原來真係可以的,我仲發覺原來透過慢步,睇吓個行路姿勢,原來我平時的行路步驟,是錯的,真係重新學曉點樣先為知正確行路步驟!

 

最後就要揾番自己的真我聲音(Sigature Note),呢一part對我嚟講,其實真係好難,唔講唔知,原來人,由頭至尾龍骨,共有7個地方可以發聲的,而多數人,都係用喉嚨嚟發聲的,同埋琴日以小妹有限嘅資質所理解,一般人都喜愛用喉嚨去發聲,但其實係最難聽的,但其實治療師係希望大家可以用心嚟發聲,咁出嚟嘅效果,應該係同喉嚨差好遠的!練習了好一段時間,但最後小妹都暫時改唔到用心嚟發聲,真係好難,治療師話要多練習,終日一定會成功的!

 

 

動態及靜態運動完結過後,可能大家都想乾乾淨淨,舒舒服服咁先離開,所以Rest Cafe仲提供男女沖身間和locker,讓大家扮番靚靚先離開,仲比小妹昅到,佢哋係洗手啊、沖涼啊同洗頭都係用靚嘢,仲有dyson風筒啊!哈哈,我自己都未用過,即刻攞上手試吓先,真係大鄉里出城啊!

 

 

Rest Cafe,真係仲係一間cafe嚟ga,因為佢仲有個位置,係可以讓您座係度舒舒服服咁食吓飲吓有機素食食品飲品呢!

 


 

琴日仲即席試咗幾款飲品同果仁,包括:

 

南非國寶茶、黑苦蕎茶,兩款都好好易入口,對身體好好的!

 


 

有機無添加紅石榴汁,抗氧化一流!仲有各式各樣的沖裝咖啡同朱古力粉,包果仁都好正,有齊一日所需的元素!

 


 

之後仲可以跟素食達人素媽媽美麗日記(Veggie Mom Dairy)學習製作,同試食又健康又好味嘅Raw Cake呢!

 


 

先做底層,底層材料包括:椰棗一杯 + 合桃一杯,全部放入攪拌機打碎至小狀,再放入模內壓實即可

 


 

再做第二層,材料包括:腰果2杯 + 椰子油半杯 + 椰奶1/3杯 + 雲尼拿油1/2茶匙 + 檸檬汁2湯匙 + 檸檬皮2茶匙 + 龍舌蘭蜜1/3杯,全部放曬入攪拌機,打至漿狀即可,之後再倒入底層內。

 


 

最後做頂層,材料包括:新鮮藍梅1/2 杯 + 藍梅乾1/2 杯 + 椰奶1/4杯 + 椰子油2湯匙 + 龍舌蘭蜜1湯匙 + 鹽少許,又係放曬入攪拌機,至漿即可,然後再倒入第二層上,倒好後,放入冰格雪20分鐘,後再放入雪櫃雪至少4小時以上,食用前放室温解凍20分鐘才吃!

 

 

賣相好得喎!其實小妹係第一次食raw cake,感覺又美味,但又完全冇罪惡感嘅蛋糕呢!因為成個蛋糕真係冇加過不健康嘅白糖、人造牛油、蛋同忌廉呢!食多件都唔駛爆quota啊!個餅底真係超香!仲勁飽肚!等我得閒又回家試吓整先!

 

 

其實Rest Cafe定期都有攪workshop的,有興趣可以去佢哋facebook度了解吓吧!

 

https://www.facebook.com/restcafehk/

 

REST Cafe地址:尖沙咀九龍公園徑1號裕華國際大廈4樓402室 (港鐵尖沙咀站iSquare出口, ESPRIT樓上; 可進入Esprit, 付款處旁有入口進辦公室大樓,4樓402室)

 

以上產品及產品資訊,全部由品牌提供

發表於2017.11.06
留言(0)
博客名稱 :
cherry polaw
網誌名稱:
Cherry Polaw
使用天數:1,507
性別:
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 數碼科技
  • 生活品味
  • 藝文創作
  • 其他
自行分類
最新留言