30
10.2008

細味,品嚐 の 拉麵

早前我地係JUSCO 山頭火尋回日本食拉麵既味道, 雖然唔係百分百正宗日本食到既味道, 但係HK可以食到有九成相似既味道, 已經好難得, 亦都因為一本飲食男女既介紹, 阿V哩排對拉麵擁有濃厚既興趣!!!

係我地慶祝結婚11個月前一日, 阿V又唔想返V媽到食飯, 既然出街食飯, 又唔想落CWB, 係中環又有咩好食呢??? 點知阿V記起飲食男女第二間介紹既拉麵店 札幌元祖北海道拉麵 Sapporo Japanese Restaurant " 就係中環, 其實佢同北角'札幌拉麵屋 Sapporo Ramen" 係冇關係架, 其實係好耐之前已經想試札幌元祖北海道拉麵 , 但當時見到好多人, 所以先冇幫襯, 但今次去到都算好好彩, 我地一去到唔駛等就有位啦, 入面既格局真係好有日本FEEL, 而且哩間拉麵店, 仲有好多日本人黎幫襯添, MENU仲有齊日文, 中文, 英文, 不過就簡陋左少少啦, 其實靚唔靚都唔緊要, 最重要好食就睇啦, 好快我地就ORDER野食啦!!!

轉眼間, 熱辣辣既拉麵就送到我地面前啦!!!

麵豉拉麵 + 餃子 set (改選特濃麵豉湯底)

$100 (如改極上醬油湯底+$25)

第一啖當然要試試佢地既麵豉湯, 啖一口......好濃既麵豉味, 同我係北海道食既麵豉拉麵有d相似, 不過我就覺得, 太多湯啦, 到試拉麵啦, 雖然佢選用日本名牌拉麵 "西山拉麵" , 但食第一啖時就覺得有少少"簡"水味, 不過個味道都可以接受, 而其他配料如叉燒都幾好味, 但唔講唔知, 原來好多係HK既日本人, 好喜歡食哩個拉麵架!!!

如果將山頭火 & 札幌元祖北海道拉麵作比較, 我會比較喜歡山頭火啦!!!

極上醬油拉麵  $95

哩碗極上醬油拉麵係MENU入面最貴既拉麵, 因為佢用左頂級既醬油去整, 阿V食過哩碗拉麵都話好好味, 就算 $95 都會再食過, 而且個味道仲有D似阿V係北海道食果碗醬油拉麵一樣咁好味, 而哩碗既拉麵就唔覺得有 "簡" 水味啦, 唔通拉麵配不同湯底會有唔同味道!!!

食拉麵又點少得餃子哩, 佢地每隻餃子都肥嘟嘟, 真係好得意, 食落口底部仲脆卜卜添, 而餃子既味道都幾好味架!!!

係食我品嚐緊拉麵既時候, 人潮都開始湧現啦, 另外我睇過某飲食網站, 好多人都話佢地既服務麻麻地, 我估可能同其中一個女人粗聲粗氣有關啦, 我就唔知哩個係未事頭婆啦, 不過每逢有客人行入黎, 佢都會大大聲趕返佢地出去門口等位, 或者佢粗聲粗氣, 先會覺得佢地服務麻麻啦!!! 仲有順帶一提, 佢地既茶真係好有茶味, 比出面既茶香好多架, 大家不妨飲多幾杯啦!!!

嘻嘻.......轉眼間, 我已經消化完麵豉拉麵啦, 雖然有少少簡水味, 仲整體黎講都好好味架, 睇下我連D湯都飲左好多, 不過因為飽飽啦, 唔可以清碗啦, 咦.....睇下隻碗有個 "囍" 字, 仲有條龍係到, 好有中國 FEEL 添!!!

睇見張相, 係未覺得好有日本拉麵店既風味呢????  直望就係廚房, 仲會見到兩位日本廚師煮麵既情況添!!!

飲食男女介紹札幌元祖北海道拉麵既報導~~~~

而家跟住本書, 我地已經試左兩間比較正宗北海道拉麵, 唔知下次又會去邊到品嚐拉麵呢??? 如果比我選擇會揀 山頭火既麵豉拉麵, 札幌元祖北海道拉麵既極上醬油拉麵, 兩款拉麵既味道真係有八/九成似日本原味架!!!

仲有呀, 記住北海道拉麵特式, 係會比較肥膩架, 喜歡濃味既人, 千其唔好錯過呀!!!

大家記住試完返黎, 話比我知好唔好味架!!!

P.S. 以上照片只係用手機拍下, 質素冇咁好, 請見諒!!!

哈哈哈.......萬聖節.....快樂!!

發表於2008.10.30
留言(0)
博客名稱 :
B の家
網誌名稱:
B の家
使用天數:2,876
按月份瀏覽
    2021
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 戀愛心情
  • 文化政經
  • 其他
自行分類
最新留言