29
06.2010

成也球證, 敗也球證

生活品味   文化政經  

星期日晚, 今屆世界盃有場世紀大戰 德國對英格蘭. 一定好多人都會留係屋企或在酒吧,茶餐廳, 商場欣賞哩場大戰, 或者HK人對英格蘭有一種情意結, 另外就係由細睇英格蘭足球大啦, 點都會支持英格蘭既, 雖然場波已過左二日, 但真係不吐不快, 發表一下意見先!!

近四屆世界盃, 英格蘭出局都有焦點問題, 好似98年碧咸紅牌, 02年施文被笠死, 06年朗尼紅牌, 10年球證錯判都成為茶餘飯後既話題, 但以上焦點都遮蓋英軍咁多年既弱點, 好似今年前鋒不銳利, 中場欠創造/速度, 後防欠穩走位失誤多, 門將更加唔駛講啦, 係時候要對症下藥, 執返好隊波啦!!

德國高路斯先開紀錄  (又係英格蘭後防失誤引致失球)

普度斯基射成 2:0  (英格蘭 G. 莊臣去左邊到???)

好快英格蘭由厄遜頭球追成 2:1

惡夢開始啦~~~~

林伯快射, 明明個波已入白界幾個波位, 傍證仲可以睇唔到當入球無效!!

放大睇!!

屆屆世界盃都講埋哩D問題, 點解國際足協唔接受科技呢???

就算唔接受科技, 可以學下NBA咁, 有個球証企係底線, 相信錯判都會減少!!

雖則如哩球判入, 英格蘭追平後, 可否取勝就當後話, 因為英格蘭都只得半場好波!!

朗尼半場時都向球証投訴, "你咁都睇唔到, 雙眼係未有問題呀"

今場波焦點唔係球員, 而係哩三位球証,

今屆世界盃球証已經有好多錯判啦, 主宰球賽勝負或場波好唔好睇, 都取決於球證!!

國際足協應該要開會研究球証質數既問題!!!

半場時碧咸, 都好似愁眉深鎖, 一定擔心緊球隊啦!!

下半場, 英格蘭為左追平, 而要局上前進攻, 可惜次次都無功而回!!

連朗尼都要咆哮, 以振士氣, 可惜佢自己係今屆世界盃都全無表現!!!

德國以快速反攻擊下 再入多球

梅拿射成 3:1

梅拿射成 4:1

一切已成定局囉, 英格蘭再一次係淘汰制出局, 又拎一班FANS傷心!!

睇到GERRARD既失落, 就知道佢地有幾失望啦!!

其實成隊波, 只有佢既表現叫做比較好咋, 其餘真係不值一提!!

但年屆30既佢, 可能係最後一屆世界盃, 但兩年後歐國盃仲會否見到佢呢???

四年後, 應該會見到朗尼嗎???  

其實佢今屆踢到一無是處, 入球更是零, 相信球迷失望, 佢自己都應該好失望!!

賽前好多人都用佢同美斯比較, 已經高下立見!!

其實成隊英格蘭職球員, 始終都係碧咸最靚仔最有星味, 他朝一日會否成為領隊??

係現時英超中, 搵番一位球員好似碧咸既魅力或技術, 真係好難搵!!

而領隊卡比路會否繼續執教呢????

其實英格蘭表現不濟, 領隊選人或排陣上都有責任架!!

總括今屆世界盃, 英格蘭既表現只有拎到球迷失望, 4場比賽全無表現, 所以睇完對美國既表現, 已經對佢地冇期望, 雖然係16強出局, 未嘗一件好事, 若要執好隊波, 比我就一膽少少, 只留朗尼, 其餘可慢慢搵替代人選, 最重要係青訓著手, 訓練一班有質數既年青球員展望下屆世界盃啦!!

發表於2010.6.29
留言(0)
博客名稱 :
B の家
網誌名稱:
B の家
使用天數:2,626
按月份瀏覽
    2021
  • 一月
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 戀愛心情
  • 文化政經
  • 其他
自行分類
最新留言