10
03.2017

【京都特輯】2017日本賞櫻攻略

環球旅遊(日韓)   親子育兒   生活品味  

每年嘅三、四月係京都櫻花盛開嘅季節,亦都係遊客蜂擁而至嘅時候,目前2017最新公布嘅各地花期,京都櫻花開花時間大約係3月29號,而盛開期就係4月6號,預測會隨日期愈近愈準確,出發前記得留意最新資訊!

除了日頭賞櫻之外,京都仲有「ライトアップ」(light up),即係「賞夜櫻」活動。喺夜色中欣賞被燈光映照嘅櫻花,別有一番風味。至於京都有咩賞櫻景點推薦呢?等小編一一介紹比你知啦!

#京都賞櫻景點懶人包

  1. 京都的代名詞—清水寺

◆ 開放時間:6:00~21:00(可以參考官網公布嘅春季夜間參訪時段。)

講起京都大家第一時間會諗到咩呢?無錯,就係擁有百年歷史嘅清水寺!佢除咗神社建築出名外,周邊景點眾多都令到清水寺成為京都必去嘅熱門景點。被櫻花包圍嘅清水舞台係遊客最期待嘅畫面,不過清水舞台而家維修緊,雖然可以照上去,但係景觀可能會差啲!

  1. 用眼睛寫詩—哲學之道

◆開放時間:隨時

喺櫻花飄落嘅哲學之道上面行,突然成個人都好似感性咗。因為櫻花,所有野都變到又浪漫又有詩意。哲學之道除咗係京都最適合散步嘅地方外,亦都係知名賞櫻景點。由於昔日哲學家西田幾多郎,成日係呢到散步、思考,所以被後人稱為「哲學之道」,鍾意櫻花嘅文青們一定唔可以錯過!

  1. 京都的原始風景—嵐山

◆ 開放期間:隨時

嵐山大家都一定聽過,無論係賞楓定係賞櫻,嵐山一定榜上有名。由於嵐山周圍有好多知名觀光景點,每年賞櫻時節都會吸引大批遊客。關於嵐山附近嘅景點,小編相信大家一定都好熟悉,所以就唔再多講,唯一要提醒大家,千祈唔好錯過每年都會喺中之島公園舉行嘅枝垂櫻夜間點燈!比起日頭,夜晚嘅嵐山多了份神秘感,再加上櫻花陪襯,會有種時空錯亂嘅浪漫感覺!唔明?親身去睇下就知!

  1. 華麗花見—醍醐寺

◆ 開放時間:9:00~17:00

位於京都伏見地區嘅「醍醐寺」,既係世界文化遺產,亦都係日本櫻花百選名所之一!百選名所係日本財團法人櫻之會喺日本全國選定嘅100個賞櫻名所。醍醐寺最為人熟悉嘅莫過於「枝垂櫻」,特徵係細長而向下垂放,迎風蕩漾,堪稱櫻花中最優雅曼妙嘅舞者。如果無時間去其他地方賞櫻嘅朋友,小編建議你直接嚟呢到,感受一下櫻花灌頂嘅魔力!

  1. 最後饗宴—仁和寺

◆ 開放時間:9:00~17:00

由於以前好多皇子皇女喺呢到削髮出家,所以仁和寺又被尊稱「御室御所」,寺內嘅櫻花好自然地被稱為「御室櫻」。仁和寺嘅御室櫻亦都係百選名所之一,御室櫻以晚開聞名,開花期平均遲其他地區一個星期至十日,所以有人話呢到係「京都最後のお花見」。喺盛開時期,御室櫻由樹枝頭開到樹枝尾端,成個天空好似都比櫻花圍住,密集程度真係唔講得笑。如果喺其他地方見唔到櫻花嘅朋友,記得嚟仁和寺碰下運氣。

  1. 平安貴族的浪漫—岡崎櫻迴廊十石舟遊河

如果你覺得每次賞櫻都淨係散下步好無聊,小編推薦你去「岡崎櫻迴廊十石舟遊河」,搭京都地鐵喺「蹴上駅」落車,行五分鐘左右就會見到岡崎十石舟嘅上船位。你可以搭住船欣賞岸邊櫻花,體會屬於京都人嘅浪漫。

  1. 昔日風雅的再現—平安神宮

◆ 開放時間:8:30~17:30

平安神宮都係賞櫻勝地之一,除咗入口處標誌性嘅鮮紅色鳥居外,你仲可以進入正殿後方嘅「神苑」參觀,欣賞日本明治、大正時期嘅庭園傑作。用粉紅色櫻花裝飾庭園,臨水櫻枝微微彎曲。另外,平安神宮賞夜櫻稱為「紅しだれコンサート」(紅枝垂櫻音樂會),喺呢段時間,除咗開放南神苑觀賞夜櫻外,仲會喺東神苑裡舉辦音樂會。音樂伴隨住夜櫻,融合視覺同聽覺嘅享受,好chill啊~

◆ 注意:進入神苑內禁止腳架攝影

  1. 古色古香ー祇園白川

◆ 開放期間:隨時

祗園係京都嘅藝妓區,亦可以話係京都最具代表性嘅經典之一。日頭祗園幽靜而美好,傍晚華燈初上,先係真正嘅袛園。每年櫻花盛開嘅時節,夜晚沿住白川一盞盞微亮燈火點起,你可以一邊欣賞沿岸美麗嘅櫻花樹,一邊感受京都古色古香嘅氣息,分分鐘仲可以同藝妓擦身而過。

  1. 二條城櫻之亭

◆ 開放時間:08時45分~16時 (白天賞櫻時段),18~21時(櫻花季有夜晚開放時段,詳細時間以官方公佈為主。)

二條城由幕府將軍德川家康建立,係德川世家居所並持續擴建,可以話係德川幕府嘅權力象徵。二條城賞櫻花嘅地點,主要分布喺櫻之園同清流園兩處,但因為品種唔同,盛開時段有可能會有少少差距。

◆ 注意:禁止使用三腳架。

  1. 平野神社夜櫻祭

另外一個位於京都嘅夜櫻景點就係平野神社!平野神社嘅櫻花開得相當密集,品種多達40種以上,抬頭一望只會見到滿滿嘅櫻花!除了知名嘅櫻花隧道之外,平野神社另一大特色就係日式屋台,好多攤販會喺呢到營業,買完野食坐喺屋台傾計飲野、食下小食,超似日劇場景!

# 番外:造幣局夜櫻

既然提到夜櫻,就絕對唔可以錯過造幣局嘅櫻花通道,雖然造幣局位於大阪,但櫻花盛開程度一啲都唔輸蝕。大阪造幣局嘅櫻花品種,已經多達132品種,而且有超過300棵櫻花樹,每年仲會揀出代表之花,櫻花通道每年一到咗櫻花盛開季節,就會開始湧現人潮,而且呢到櫻花季只開放七日,要把握機會啊!

# 2017京都賞櫻巴士,帶你輕鬆遊京都賞櫻景點!

如果想將京都熱門櫻花景點一網打盡,又擔心唔夠時間?研究交通、行邊條路線最順好麻煩?小編建議大家搭賞櫻巴士,無論係獨遊、幾個朋友一齊都好適合!尤其是帶住長輩一齊旅行,賞櫻巴士就唔使轉車咁麻煩喇!

【路線1:嵐山小火車、平安神宮、二條城、造幣局夜櫻】

  • 集合地點:難波OCAT大樓1F / Hearton Hotel西梅田
  • 景點:搭嵐山小火車去嵐山賞櫻、二條城櫻之亭賞櫻、平安神宮賞櫻、造幣局櫻花通道
  • 此觀光巴士路線包含定食午餐&二條城門票
  • 特色:唔單只可以搭乘嵐山小火車賞櫻,仲可以去造幣局體驗夜晚賞櫻滋味(每年只開放7日!如果造幣局無開放,會改去大阪城賞櫻)

>>2017賞櫻巴士,嵐山、平安神宮、造幣局夜櫻輕鬆遊!

【路線2:平野神社夜櫻祭、嵐山、大阪城】

  • 集合地點:Hearton Hotel西梅田 / 難波OCAT大樓1F
  • 景點:嵐山、造幣局櫻花通道、平野神社夜櫻祭
  • 特色:平野神社夜櫻祭,特色日式屋台初體驗;去造幣局賞櫻通道,欣賞最美櫻花(每年只開放7天!如果造幣局無開放,改去大阪城賞櫻)

>> 2017關西賞櫻巴士,平野神社夜櫻祭、嵐山、造幣局/大阪城賞櫻!

睇完上面嘅景點介紹係咪好心動呢?心動不如行動,快啲約埋三五知己,計劃下你地嘅賞櫻之旅啦!

 

發表於2017.3.10
留言(0)
博客名稱 :
KKday
網誌名稱:
跟著 KKday 去旅行
使用天數:1,389
年齡:3
電郵:hk@kkday.com
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類