18
02.2017

只有神戶人才知道的日本手信

飲食烹飪   環球旅遊(中台)   生活品味  

(圖片來源)

去日本旅行,最頭痛係莫過於翻黎嘅時候,諗買咩手信好。大家都知道,自從全球化之後,日本有好多嘢,尤其是出名嘅和菓子,喺香港都已經輕易地買到。身邊加上有無數個朋友互送日本手信,可以講話日本機場寫著必買的手信,大家都收過曬。

咁點算好?

唔洗怕,嘴叼嘅小編蒐羅咗一啲只有神戶地區先買到獨家手信,包妳送禮自用都兩相宜!

#1 神戶的歷史

(圖片來源)

係講解之前,簡單介紹一下神戶呢個城市先啦!
神戶市因為近海,係日本最早開阜嘅城市之一,受多年西洋文化影響下,比起其他鄰近城市,例如京都、大阪,神戶市充滿著摩登、時尚感覺。

神戶市可謂係得天獨厚,北面是六甲山,有三大古湯之稱嘅有馬溫泉;而距離南面嘅海邊,只需要半小時嘅車程。夏天去海邊戲水,冬天去滑雪,一個神戶市滿足妳所有願望!

神戶的市中心係三之宮。西式麵包店、西餐廳、洋服店、西洋建築等等,神戶市到處可見。

(圖片來源)

#2 神戸フィッシューちりめん(遲/lee/men)

(圖片來源)

呢種魚仔係一種神戶嘅鄉土料理,係小編一個日本神戶朋友送的,朋友推薦小編配飯享用。(嗰陣無影相)呢種魚仔睇落去平平無奇,但食落真係好正。佢係用一個好普通的家庭裝盒裝著,同超級市場嗰啲漬物包裝差不多。一打開個包裝,發現魚仔一啲都唔似香港大澳個d沙甸魚魚乾仔咁會有好大陣腥味,係陣淡淡的魚乾味。小編見佢包裝寫有鹽的成份,所以就直接擺落口食,魚身好煙韌,鹽味更突顯魚乾的清甜。

(圖片來源)

日本朋友話呢個魚乾要三個星期內食完,因為呢個魚乾每次都係新鮮捕獲之後,數小時內就要用鹽開始製作,如果唔係啲魚仔就會唔新鮮,唔食得。同埋呢啲魚仔係神戶呢邊嘅海洋先有,非常之珍貴。

邊度有得買???

#3 太平洋玉筋魚=くぎ煮(ku/gey/ni)

(圖片來源)

呢個即係香港居酒屋常見用來佐酒嘅小女子!!呢個係小編最愛,因為呢個主要係用糖、豉油汁煮至收水,甜甜地,但唔太黏牙,魚乾有嚼口,完全係夜晚睇電視嘅小食,欲罷不能。加上魚乾係細細條,絕對能夠滿足口痕想食嘢嘅各位。

呢個魚乾傳統做法有幾種味道,原味、核桃口味、生薑口味、山椒口味。而有啲新派嘅,仲會加入和牛一併煮,再添幾分日本獨有嘅味道。

(圖片來源)

呢個魚其實係用太平洋玉筋魚的魚苗去製作,而魚苗又僅限每年嘅三月份才有的,所以佢同ちりめん一樣,要係新鮮捕獲之後,數小時內就要開始製作,否則魚苗就會開始死掉,破壞了魚乾的鮮味,無法製造魚乾了。

因為魚乾係屬於三月季節性,所以到咗個陣,日本超市好多都有得買。如果當季以外嘅日子,就要去翻以下呢個地方買了!

據說呢兩種魚乾因為營養價值高,而且產量有限,所以喺神戶嚟講,都算係一種珍貴並且會限制出口量嘅食材,只有指定商戶先可以出售。聽講當季時候,神戶市超級市場都會有!

#4 黑毛和牛牛蒡煮

呢份手信係小編最鍾意嫁!!神戶和牛採用嘅但馬牛,小編喺香港就食唔起啦,但差不多品種嘅黑毛和牛,小編今次就終於有幸食到,真係好感動!

(圖片來源)

呢個手信叫牛肉佃煮,佢唔係飯素,而係用真牛肉煮成,再用真空包裝封實,確保原汁原味,保存期大概三個月。

(小編掛住食,忘記咗影相,唯有係網上搵差不多的圖片比大家止下癮)

(圖片來源)

呢包封面寫著加入了牛蒡,所以一打開包裝就聞到陣陣牛蒡獨有味道!但望落去得好小份量,大概送到一碗白飯。撥開一睇,牛肉係已經一粒一粒,而且已經煮得鬆化,肉絲稍微一絲一絲散開了,牛蒡切成薄片;不論牛肉還是牛蒡都已經充分吸收了調味料嘅味道,呈現深啡色。肉係軟嘅,食落唔會有渣,味道甜甜地,牛肉同牛蒡真係好襯啊!TT

小編幾分鐘就食完一碗白飯,依依不捨望住個已經食得一乾二淨嘅碟仔,甚至連留下嘅肉汁都唔放過。望著嗰包嘢即刻打電話問朋友係邊度買,朋友就話呢個係和牛分銷商個度買,小編用google 圖片搜尋搵到除左幾間係日本樂天market的店舖之外,一啲牛肉料理專門店亦都有售賣呢種手信㗎。下次去日本,大家真係可以唔洗再買東京バナナ啦!!可以試下買呢啲鄉土料理做手信,送禮自用皆宜啊,哈哈!

(圖片來源)

▲認識KKday▲

KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com

KKday Facebook: KKday

發表於2017.2.18
留言(0)
博客名稱 :
KKday
網誌名稱:
跟著 KKday 去旅行
使用天數:1,420
年齡:3
電郵:hk@kkday.com
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類