image

唔知大家有無覺得有時冬天去歐遊嗰時好中伏feel。明明去左嗰個地方,但又覺得好失望。但你又唔可以話自己其實未玩過嗰個地方喎。跟住最大問題係:下一次你又唔會將佢擺返做最想去嘅景點,因為已經去咗!!有種食之無味棄之可惜嘅感覺呀。點解!究竟點解會咁!!

建築

維修EVERYWHERE!! 仲要咁早收工!!

呢個真係對大家歐遊嘅體驗有最大嘅影響,尤其是講緊你去超過2—3個星期以上嘅話。因為冬天個時遊客唔多,博物館或者其他歷史建築都會進行修繕工作,而且開放時間超級短。

例如好似小編咁,好喇plan好哂喺2日遊哂雅典7個古蹟,可能係小編比較鐘意古蹟,鐘意細心咁欣賞嘅關係先要行咁耐。但係點知1日先去得1個地方!因為佢其中幾個地點有開放時間限制而全部都係12點就關門!!開得個3—4個鐘。所以大家記得要做定功課唔好中伏。

例如 科隆大教堂

理想:

image

(圖片網址)

網上面通常都影得好靚,而且亦未必影得哂全景圖,所以好多時會比人呃左。

現實?

..

…..

image

(圖片網址)

咁樣都還好啲,但一愈望就會見到愈多。

..

…..

image

(圖片網址)

..

…..

image

(圖片網址)

有時真係咩心情都無哂!影相又要就位黎影。

歐洲嗰邊其他會維修嘅出名景點包括:意大利—羅馬鬥獸場、許願池;希臘—雅典衛城。

 

風景

究竟落雪係好事定壞事呀!

歐洲冬天時落雪是常識吧,但有時大雪到個能見度仲低過北京。

國王湖

理想

春、夏天嗰時你睇下啲風景幾咁迷人,簡直湖光十色。

image

(圖片網址)

現實?

image

(圖片網址)

好似去左第二度咁呀,國王湖冬天落得大雪嗰時仲要係無船仔坐!!!因為佢唔止得個湖,仲有得行入深處同上山,但大雪到咁,小編問當地人佢地都唔建議咁嘅天氣繼續行入去,只好轉場。小編上次就係中左伏,搭左3個鐘火車之後得個吉。Just like T_T …

image

(圖片網址)

成個氣氛變得好陰森,落大雪個時,直程望都望唔到啲山,勁大霧!。

 

鋪頭

想食都無得食! 餓死人

呢個包括:小食檔、餐廳、超級市場等等。食肆好多都會係講緊7點8點就收檔。如果你去完某啲地點返酒店嗰時又未食野你就大獲,要餓成晚啦。事關你一夜少少就好難搵到鋪頭食野。外國就算M記亦唔興24小時。

image

(圖片來源)

如果你肯比得起錢嘅,當然你可以去BAR或者其他高級少少嘅餐廳,佢地會開得比較夜。

image

(圖片來源)

總結:

小編唔係話想打擊大家,叫大家唔好冬天去歐洲。因為冬天除左放大假嘅時段之外,機票係好平,仲要得冬天先會容易睇到極光!!小編係想大家喺plan行程嗰時懸崖勒馬,要三思啊!冬天去旅行你要考慮嘅唔單止係交通嘅問題,而係要考慮你嘅行程究竟可唔可行!

Tips:

1. 搵定其他附近景點。相信大家都係比較完先至揀中想去嘅地點啦,咁如果去到嗰時唔對路,咪即刻轉場去附近景點

2. 事前上網搵清楚冬天景點開放時間

3. 睇遊記,參考人地影嘅相,通常都無乜點樣PS過

不妨考慮去捷克,無維修嘅問題!理想=現實。可參考呢篇遊記

去歐洲有咩資料仲要睇?

 

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday