image


有冇聽過人地話離開左亞洲你想搵碗飯食下都難?事實係去到唐人街你唔會無飯食囉!但係離開左亞洲就會想試下當地既特色野食架嘛~小編就想係度分享之前8月出遊澳洲嘅時候用黎解決個肚既美食喇~

 

真係周街漢堡包

唔係講笑,去到外國真係周街都係唔同嘅漢堡包店,小編即刻為大家介紹喺澳洲食過嘅Burger啦!

#1 健康Burger - Grill’d

image
image
image
image

首先出場嘅有Grill’d,佢係一間位於墨爾本,主打健康嘅Burger店,佢地有提供素食漢堡架。每款漢堡都配有粗薯條,依稀記得香港麥當勞都係一年先有幾次粗薯條食>_>,但呢度啲粗薯條係公廁!!而且好好食!!薯條有薯仔味!!(編按:呢句真心唔係廢話),而小編叫左個羊肉漢堡Shepherd’s Delight,裡面有草飼羊肉、芥末、捲心菜同蛋黃醬。羊肉味道香而不膻,非常吸引~!

#2 秘制Burger - 8bit

image
image
image

之後係8bit,8bit故名思義成間店鋪用8bit做主題,由地板至牆身全部都係一格格,佢位於墨爾本商業區。小編叫左招牌嘅8bit with cheese,佢入面係牛肉、蕃茄、芥末、洋蔥、芝士、茄汁同埋8bit秘制醬汁。呢個包只需AU$9.5,同埋佢有辣味版本都係AU$10.5。雖然小編覺得呢個包比Grill’d嘅油小小,但係佢特別之處就係招牌醬汁,好多人都慕名而黎架!

#3 安格斯牛肉Burger - Goody’s burger house

image
image
image
image


仲有嘅係Goody’s burger house,呢間Burger house位於墨爾本商業區。小編點左佢地做緊主打嘅安格斯牛肉漢堡 Smokey。佢特別之處係用左100%純安格斯牛肉,同埋佢用嘅醬料係煙熏蛋黃醬,非常香!店鋪設計都好特別,小編都忍唔住影低左!

除左Burger,仲有多國菜Café架 !!!

#4 喺墨爾本食希臘菜 - Cafe Vicolino

image
image

 

除左Burger,當然都要試下其他唔同嘅菜式喇!小編去左一間位於墨爾本希臘菜Cafe Vicolino 食左個Tea,南瓜湯好香濃好足料,飲完就好似食左成個南瓜落肚咁,勁飽。小編亦點左個Moussaka食,Moussaka係由茄子做主要原料既菜式。小編喺香港未食過,所以覺得非常特別!

#5 Pancakes專門店 - Pancakes On The Rocks

image
image

 

之後要介紹嘅係Pancakes On The Rocks,佢係一間位於悉尼嘅Café店,以食Pancake 為主,亦提供西餐同Pizza。Pancake方面小編點左Blueberry Heaven, 藍莓醬加雪糕既Pancake 味好夾!小編一行三個人食Tea咁樣叫已經飽架喇,大家下次去悉尼可以參考下!

#6 環擁Darling Harbor夜景 - Hurricane’s Grill

image

圖片來源

image
image

位於悉尼Darling Harbor既Hurricane’s Grill。喺度食飯可以望住Darling Harbor既夜景品嘗,氣氛超爽。Hurricane’s Grill以碳燒豬肋骨聞名,小編專程去食,勁大塊而且味道非常一流。肋骨外皮香脆,加埋酸酸甜甜既BBQ醬汁,令到小編我一啖接一啖停唔到口。份量都幾大,小編同朋友三人一齊食都覺得飽。配菜選左奶油薯蓉,溝埋一齊食非常夾。而小編亦點左蘑菇湯,非常濃郁香口。而咁樣食法大概用左港幣$300。另外如果大家想食既話記得早啲到,因為一夜就會好多人!小編都排左半個鐘先有得食,但到小編既時候門口依然仲有一大班人等緊!

 

番外篇: 澳洲必推頹廢零食

image

 

圖片來源

呢隻Rice Cracker 係小編喺澳洲口痕嘅時候必買嘅零食黎。小編尤其最喜歡Sour Cream 呢隻口味,係會食上癮架!價錢唔算貴,同朋友去澳洲嘅時候可以去各大超市買返去酒店食下~

image



圖片來源

呢款蛋糕叫做Lamington,小編以為佢只係一件普普通通嘅朱古力蛋糕。但其實佢係澳洲特產嘅海綿蛋糕,配上外層嘅椰絲,一拆開包裝就即刻聞到朱古力同椰絲嘅香味,細細件咁擺入口,真係好好食~同埋亦都好適合買返黎香港做手信架~

去澳洲品嘗美食,你可能有興趣~:

【品味墨爾本】雅拉河谷,品酒美食之旅

【暢遊山谷美景】雅拉河谷品酒+蒸汽火車一日遊

【中文司導帶路】亞拉河谷酒莊+丹頓農蒸汽小火車一日遊

 

▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday