04
08.2016

【西藏丨行李篇】KKday西藏自由行全攻略!

環球旅遊(中台)   生活品味  
標籤: 自由行  西藏  kkday  行李清單 

去西藏最方便一定係帶backpack,事關搭火車好難隨身攬住個喼,而且行山的話,帶背囊都會比較方便!如果去一啲比較先進嘅地方旅行,帶漏野可以即時買都唔怕,不過去到西藏就唔係咁方便啦!而且上高山都要準備好藥物,唔想執漏野就要save低呢個萬全嘅行李清單啦!

#衫褲鞋襪篇

要帶幾多衫褲真係好睇個人需要同當時天氣!執行李之前可以睇下天氣預報,不過雪褸同保暖衣物就必備咖啦!除左保暖之外,快乾都好重要!如果落雨淋濕左,或者想洗衫,夠快乾就唔洗帶住濕嘅衫褲周圍走~

#護膚保濕篇

去到西藏完全會乾到裂開,無論你平時幾懶,去到西藏都一定要做足保濕!另外,因為上到西藏壓力高左,膠樽或者玻璃樽都有機會裂開,所以建議所有液體/乳液都用密實袋封好!

#沐浴淨身篇

去到高原地方,頭兩三日都建議唔好沖涼洗頭,怕身體唔適應會好易冷親!所以要準備多啲濕紙巾,不含酒精嘅可以抹面抹身~如果搽左防曬想清潔得乾淨啲,可以用卸妝濕紙巾!

#舒適保暖篇

日夜溫差高,保暖一定要做好!暖包、暖水袋好基本,如果會住帳篷(小編上珠峰會住大本營喔)就要帶睡袋!如果住hostel,一般都會有暖毯,真係怕唔夠暖都可以帶睡袋備用嘅~

#電子產品篇

西藏啲風景無敵靚,唔想冇memory飲恨就真係要帶定一打記憶卡!不如最最最重要都一定係電話卡!小編喺鴨寮街買跨境王,可以預先喺香港開通同增值~雖然去到上唔到Facebook同Instagram可以慳番好多數據,但send下相比媽媽報平安都要嘅~

>>想知邊張電話卡最抵?就要留意之後嘅西藏自由行全攻略【預算篇】喇!

#防曬淨白篇

除左防寒,防曬都好緊要!就算你唔怕黑,都唔想曬傷咖嘛~防曬黑超加闊邊帽絕對係無敵組合!另外,西藏五月就開始雨季,帶番把遮就唔怕濕晒啦~

#急救藥物篇

黎到最關鍵嘅部份!就係藥物啦!防高反有好多種藥,事前食最常見係紅景天!出發前一星期食,每日三粒,係中藥成份會比較溫和同無副作用!高反初時症狀同感冒好似,亦會頭痛同呼吸困難,出現呢啲症狀可以食Diamox,係一種需要醫生處方嘅西藥,早晚一粒,食完手腳會有啲麻痺,但好快會無事!想舒緩麻痺症狀就可以食Slow k,單食無咩作用,所以有食Diamox個日就食一粒Slow k,喺藥房就可以買到。

上到山無得沖涼,污糟都係其次,如果親戚到訪真係會喊出黎!真係咁唔好彩(好似小編咁),可以去藥房買調經藥,親戚黎之前四日要食,計唔準的話可以出發前一星期開始食,每日一粒要食到旅行完結為止!一停藥親戚就即到咖啦~

#急救食物篇

除左藥物可以自救,朱古力都可以舒緩一下高山反應,當然喺要有高反之前啦~唔好怕肥,得閒就拎出黎食下啦~最好就買有獨立包裝嘅,方便啲而且唔怕佢融到痴埋晒一齊!

杯麵同能量棒就係搭火車個陣充飢嘅~事關火車上面嘅野真心難食同重口味,如果唔想帶咁多野就趁機體驗下大陸飲食文化啦~

希望呢張極長行李清單可以幫到大家啦~發現有咩遺漏歡迎指教喔~如果想知道小編西藏之旅嘅行程同預算,就要繼續密切留意KKday西藏自由行全攻略!

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

發表於2016.8.04
留言(0)
博客名稱 :
KKday
網誌名稱:
跟著 KKday 去旅行
使用天數:1,587
年齡:4
電郵:hk@kkday.com
按月份瀏覽
    2020
  • 一月
  • 二月
  • 三月
  • 四月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類