29
08.2016

Day 1 挪威 Oslo

環球旅遊(歐美)  

上次北歐四國去了芬蘭,瑞典,挪威,丹麥的首都。今次只選其中兩個國家去,主要都係悠閒為主,當中挪威的自然景色都吸引,所以今次比較多時間逗留挪威,其餘幾日就去斯德哥爾摩。對上一篇都有提及今次買的機票是[港歐廣],來回歐洲都是坐漢莎,第三程係香港飛廣州,連稅$3800左右。初初出了一套$3200來回歐洲,回港即日轉飛廣州,不過佢寫行李直送廣州,雖然有人試過臨場叫地勤改係香港提取行李,不過最後無謂冒這個風險,所以補多幾百出一套遲一星期才飛廣州,必定可以在香港提取行李。

晚上在新的中場客運樓上機,首先飛德國法蘭克福,再轉機去奧斯陸。

今次是第一次搭A380,可能係漢莎座位問題,座位不太好坐,尤其前面乘客往後趟的時侯,電視近到無辦法睇。

 

歐洲時晨清晨到達法蘭克福。有三個鐘頭轉機時間,可以出去客運大樓行下,雖然很早,但大部份的店舖都有營業,德國之前都已經來過,所以周圍行了一圈後就找一間餐廳食早餐。一個慕尼黑早餐,一個招牌早餐。餐廳推薦慕尼黑早餐連啤酒一齊食,德國人真係好鍾意啤酒。普通兩個早餐已經要廿幾三十 EURO。

轉機後很快就到達挪威奧斯陸,從奧斯陸機場到市中心,坐火車又方便又直接。不過大家要留意有分AIRPORT EXPRESS同普通火車,價錢差一倍(180 VS 92),不過到達時間相若,廿多分鐘的車程只快五分鐘左右,不值得加錢買特快車。

不過都要提提大家,買火車票的自助售賣機似乎只接受有PIN CODE的信用卡,所以最好兌一點挪威克朗旁身,火車上有自動售賣機,不過貴到唔會有興趣買。全部飲品小食都廿幾三十幾蚊起。

只需兩個車站就到達中央火車站 OSLO S。

上年都已經來過這個車站,第一件事就係到這個大路線牌下的客戶服務中心換挪威峽灣套票,如果大家在Norway in a nutshell 網上買了不同的峽灣套票,都要在這裏換實體票才可以使用。只需將confirmation email列印出來給職員就可以。

離開火車站就到酒店check in,本來想住上次訂過的Oslo Comfort Hotel Xpress Central Station,因為又方便又平,只是700元左右,但今次再睇價錢,貴了一倍有多,所以最後放棄了。選擇了另一間離火車站10分鐘腳程左右的Saga Hotel Oslo Central,1100幾蚊。房間幾新淨,早餐都還可以。但我作仍然推薦前者給大家,實在係方便太多。Oslo是很高消費的城市,很多酒店都要上千元,尤其今次時間比較倉促,離出發不到一個才訂,價格又貴,選擇又少。

安頓好後已經是下午的時候,到公園附近午餐。今次和上次一樣,Oslo只是一日中轉站而已,没有安排行程。

午餐在公園附近的餐廳食,找了很久,還是覺得上年吃過的餐廳比較吸引。原來EGON這間是連鎖店,在挪威不同的城市都見到這間餐廳。

只是三碟,加兩杯野飲,已經要港幣三四百蚊。

吃過午餐已經四點幾,在附近的店舖周圍走走,就回酒店,第一日要適應時差,以及明天要早起去VOSS

發表於2016.8.29
留言(0)
博客名稱 :
Eddie Pak
網誌名稱:
旅遊世界
使用天數:2,407
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 環球旅遊
自行分類
最新留言